પ્રેમ માણસની મહત્તા માટે ઉદયની ગરજ સારે છે.
—
સીદી સૈયદની જાળી, છબી – કૌશલ પારેખ
બધે કાચની ભીંત પથ્થરનાં ઘર છે,
અહીં ભીડ ઝાઝી ને સૂનું નગર છે.
તિરાડોમાં એનો ઘરોબો હશે કાં?
કે બંધ બારણાંને ટકોરાનો ડર છે.
હું વાંચ્યા વગર સાર પામી ગયો છું,
ભલેને ઉપરથી બીડેલું કવર છે.
કિનારામાં જડતા અકારણ વસી ગઈ,
નહિતર નદીનું તો કોમળ જિગર છે.
ન બાંધો લીલાં તોરણો બારણે મુજ,
જીવનમાં અહીં તો સદા પાનખર છે.
ઊઠી તો ગયા છે ભલે ‘મીર’ ત્યાંથી,
ઊભા છે હજી એમની જ્યાં ડગર છે!
રશીદ મીર
છબી – Indiatimes
|| આજે વીણેલાં મોતી.કોમ હરે ક્રીષ્નાના નામે ગુજી ઉઠી છે. સૌને જયશ્રી કૃષ્ણ! શ્રી કૃષ્ણં શરણ મમઃ ||
આજ ગુલાલે ગોકુળ ગાંડુંતૂર..
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
સૂર – રીષભ ગ્રૂપ, વડોદરા
આલ્બમ – તારા વિના શ્યામ…
આ ગીત માટે આભાર – અધીર અમદાવાદી
‘મરમી’, છબી - અહીંયાથી
ઇચ્છો કામણગારી છે,
આખર તો એ નારી છે.
ખુશબો દઈ આ ફૂલોએ,
ખૂબ હવા શણગારી છે.
વિરહી પળમાં સધિયારો,
તારા ઘરની બારી છે.
ઘરની શોભાને વૈભવ,
બાળકની કિલકારી છે.
છોડી જો હું પદ ‘મરમી’,
આખી દુનિયા તારી છે.
કવિ મરમી
જુનાગઢના ખ્યાતનામ કવિ શ્રી મહેન્દ્રસિંહ એન. પઢીયાર ‘મરમી’ની આ ગઝલ ગઝલ વિશ્વના માર્ચ ૨૦૧૦ના અંકમા પ્રકાશીત થઈ છે જો આપની પાસે એ હોય તો પાન નં.૫૩ પર વાંચી શકો છો.
છબી - અહીંયાથી
કદી માણી નથી સાચી ખુશી અફસોસ એનો છે,
ફળી ના કોઈ રીતે જિંદગી અફસોસ એનો છે.
પ્રણયમાં ભૂલ તો બંને તરફથી થઈ હતી કિન્તુ,
નર્યો સંતાપ છે કેવળ અહીં અફસોસ એનો છે.
વિના કંઈ લક્ષ્ય શબ્દોની કરી છે લ્હાણી હોઠોએ,
વગોવાઈ છે ત્યાં પણ લાગણી અફસોસ એનો છે.
મને આજે બહુ પથ્થર હ્રદયનો લાગે છે ઈશ્વર,
બની છે આંખ ચોમાસુ નદી અફસોસ એનો છે.
મદદ મારી જ પોતની કરી હું ના શક્યો કોઈ,
મદદ મારી જ મર્યાદા નડી અફસોસ એનો છે.
સમય કંઈ ખાસ તો બાકી નથી ત્યાં બોલે છે ‘નાશાદ’
સમય મારો હજી આવ્યો નથી અફસોસ એનો છે.
ગુલાબ અબ્બાસ નોશાદે
કચ્છનું રણ , છબી – અહીંયાથી
રણવગડામાં દરિયા રે બેફામ ઝાંઝવાં!
કેમ કરીને તરવાં રે બેફામ ઝાંઝવાં!
ધોમ ધખેલા તડકા ઊભા ફાટયા રે બેફામ ઝાંઝવાં!
અંગારાના તીર ધધખતાં ફૂટયાં રે બેફામ ઝાંઝવાં!
તગતગતી રેતીના ડામેડામ અરે બેફામ ઝાંઝવાં!
અકળાતી લાગણીઓ શોધે ગામ અરે બેફામ ઝાંઝવાં!
હૈયાની ભીતરમાં લીલું નામ અરે બેફામ ઝાંઝવાં!
આંખોની આગળ બળબળતો અંજામ અરે બેફામ ઝાંઝવાં!
રોમ રોમથી પ્યાસ થઈને ફૂટે રે બેફામ ઝાંઝવાં!
આકુળવ્યાકુળ દિલ થઈને તૂટે રે બેફામ ઝાંઝવાં!
સામે કાંઠે ફરફરતી લીલાશ અરે બેફામ ઝાંઝવાં!
આ કાંઠા પર વલખાં મારે આશ અરે બેફામ ઝાંઝવાં!
કનુ મહેતા ‘વ્યોમ’
ગઈ કાલની વાતની ડીસામાં વરસતા અંગારા જેવી ગરમી પડતી હતી પણ સાંજ પછીના વરસાદે થોડીક ઠંડક આપી છે અને તેને અનુરૂપ એક ગઝલ હોય તો મોજ આવી જાય.
ગુજરાતી ભાષા પ્રત્યેના પ્રેમ અને રુચી ના કારણે પરિણમેલી આ સાઇટમાં અમારા વિચારો, રચનાઓ, વિસરાતો વારસો વગેરે ઘણી અગત્યની અને જાણવા તથા માણવા લાયક બાબતો છે કે આજ સુધી અમારી ડાયરીઓનાં પાનાંમાં સચવાયેલ હતી પરંતુ આજ વિશ્વ ગુર્જરી ને અર્પણ કરી રહ્યા છીયે
અહીયાં અમે સમયાંતરે અપ્રકાશીત રચનાઓ પણ ઉમેરતા રહીશું જે આજ સુધી પ્રકાશીત નથી થઇ તે આપ પ્રથમ પ્રકાશનમાં વાંચી શકશો.
આમાં બધું જ અમારું લખાણ નથી કેટલાક મોતી વીણેલાં પણ છે
વાંચતા વાંચતા જો કોઇ રચના આપને ગમી જાય તો આપ તેને કોપી કરી શકો છો પણ લીંક આપવાનું ભુલતા નહી. અને કાળજી રાખજો કે ક્યાંય તેનો દુરુપયોગ ન થાય. અને જણાય તો અમને info@vinelamoti.com પર માહીતગાર કરવા વિનંતી.
વીણેલાં મોતી.કોમ પરની કોઈ પણ રચના આપને ગમે તો આપ અચુક પણે પોતાના મિત્રોને જણાવો જેના માટે ફેસબુક, ટ્વીટર, ઓરકુટ અને અન્ય સાઈટ પર Share કરવા માટેના બટન ઉપલબ્ધ છે.
Dedicated to Lord Krishna | Theme edited by Saurabh Rai | © 2010 - વીણેલામોતી.કોમ | Powred By : Macro IT Solutions
મારે કંઇક કહેવું છે..